Search here...
TOP

FMCG-də brendin inkişafını dəstəkləyən vacib 7 addım

FMCG (fast moving consumer goods) adından da göründüyü alıcılıq qabiliyyəti yüksək olan məhsullardır. Bu məhsulların və ya brendlərin inkişafı üçün 2 çox əsas faktoru öz təcrübəmdə müşahidə etmişəm.

  1. Brendin zamanında satış nöqtəsinə çatıdrılması, yəni Logistika.
  2. Brendin satış nöqtəsində zamanında müştəriyə təqdim edilməsi.

Bunlar təcrübəmdə gördüyüm çox vacib, olmazsa olmazların başında gəlsədə ümumilikdə aşağıdakı 6 addım brendin inkişafı üçün ən önəmli faktorlardır. Öncədən qeyd edim ki, burada brendin keyfiyyəti, dəyərləri, faydası əsas götürülməyib, sadəcə müştəriyə məhsulun təqdimatı zəncirini əhatə edən prosesləri yazacam.

  1. Hədəf kütləsinin müəyyən edilməsi: Hədəf kütləsinin müəyyən edilməsi üçün görüşəcək işlər hər bir marketoloqa məlumdur. Sorğular keçiriləcək, hədəf kütləsi müəyyən ediləcək, hədəf kütlənin olduğu, alış-veriş etdiyi və s. vərdişləri müəyyən ediləcək.
  2. Satış kanallarının müəyyən edilməsi: Hədəf kütləsi təyin edildikdən sonra həmin auditoriyaya uyğun satış kanallarının müəyyən edilməsi mərhələsi gələcəkdir.
  3. Brendin yeri: Satış kanalları müəyyən edildi, bəs satış nöqtəsində brendin yeri necə olmalıdır? Bəlkə elə məhsul heç rəfə çıxmayacaq və ya ən dəyərsiz nöqtələrdə sərgilənəcək? Bu halların olmaması üçün prosesi öncədən tənzimləmək lazımdır. Danışıqlar aparıb, razılaşmaq lazımdır məhsulun sərgilənəcəyi yer haqqında. Bu artıq ana rəf ola bilər, teşhir, DSY-i, stend və s. ola bilər.
  4. Sifariş toplama: Biz burada sifarişlərin qəbulu ilə bağlı həll təqdim etməliyik. Sifarişlərimiz hansı qaydada toplanıb, mərkəzləşdiriləcək. Uzaqdan idarə olunacaq, yoxsa satış təmsilçilərinin vasitəsi və  ya digər mümkün həllərlərmi? Təcrübədə gördüyüm odur ki, bu işi yaxşı təşkil edən şirkətlər zənciri qırmadıqları üçün müştərilər əsasən həmin şrikətlərin brendlərini dəyişmir, loyal qalırlar.
  5. Out Of Stock yaşatmamaq: Sifarişlərimizi aldıq, ancaq stok out yaşatdığımız halda çox ciddi satış itkilərinə gətirib çıxara bilər. Uzun müddətli baxsaq, müştəri itkilərinə də səbəb olacaqdır.
  6. Zamanında rəfdə olmaq: Məhsulun yeri bəlli, zamanında satış nöqtəsində oldu bəs rəfə çıxmasa nə olacaq? Əlbəttə rəqib qalib gələcək.
  7. Xüsusi dəstək: Məhsulun (brendin) satış nöqtəsində dəstəklənməsi. 2 eyni seqmentə xitab edən 2 brend, A və B brendi. A brendi 4 facedə sərgilənib, xüsusi qiymətliklə dəstəklənib, hətta yanında bir gözəl promoter təşviq edir satışı və B brendi isə 1 face-də və qarşısında sadə 1 qiymətliklə sərgilənir. Bu halda heç şübhəsiz brendin tanınmasına, satışın stimullaşdırılmasına və digər mərhələlərə bu hal çox ciddi təsir edəcəkdir.